Tazkirah di hari Jumaat!

Assalamualaikum w.b.t..

If you love something, set it free if it comes back, it was meant to be. If it continues to fly, let it soar, have faith that God has something better in store.

Sebelum adek kakok nak baco entri nie (kalu sero tak dop kijaan) baco entri bowoh nie dulu.Sebabnyo gapo hok kawe nak oyat pahni mace ado kaitan sikit-sikit ngan hok bowoh tuh.Terima kasih kepada CS sebab share bendo nie kat fb.

Sbenanyo kawe ngantuk pete-pete gini.Meme sekalo gak jadi rutin dah la tido pete-pete nie.Meme tok jurus sungguh anok daro deh?Berat la.Tak dop ore nok wat bini lah gini gak.Haha.Tak po.Tak kisoh pom sebab ALLAH wat doh jodoh so sore.PILIHAN ALLAH ADALAH TERBAEK.Ko gano CF ngan CH?Sapo setuju akat tange deh!

Ok! Bo lah dok ngarut kokse.Oyat nok wi tazkiroh.Huhh! Adek kakok nie buke tazkiroh pom.Dok layok lagi kalu naok wi tazkirah.Tapi nak share sikit-sikit jah la.Mugo diari ke.Haha.Gini,dale artikel sakni kawe minat bena ngan tajuk dio CINTAI DIA DARI DIAM,DARI KEJAUHAN DENGAN KESEDERHANAAN DAN KEIKHLASAN.Sedap dop tajuk?

Nie kawe nok tanyo,sapo-sapo rajin minat 'ore' dop?Pehe dok kawe nk oyat gapo sini?Rajin dop mace meminati someone?? Minat ngan suka tengok laen deh adek kakok.Klu suko tengok tuh sebab dio semat ko,manis ko,ado daya penarik ko.Meh-meh gituh la.Kalu minat tuh dio mace sero nak nyo kenal dio nie.Gano eh perangai dio.Baek ko dop? Bleh jadi jugop ore hok kito minat tuh ado ciri-ciri hok kito nop.Sene kato,sapo hok rajin melalui situasi nie gak,meme tahu lah perasae dio lagu mano.Haha.Lentis weh explain.Pehe sediri la deh lako-lako hok baco nie.Haha.

Tok dinafikan kebanyokae ore rajin sero perasae nie.Kawe pom rajin lah jugop TER.Buke sungguh tapi TER.Haha.Kawe rajin dengar bendo nie,kalu kito minat ko someone tuh jange sesekali oyat ko dio.Buke stakat dio tapi ore laen-laen pom sebab bendo tuh mace JIHAD untuk diri kito.Jihad melawe perasae gtuh.Tibo-tibo sero mace wi tazkiroh sungguh.Wakaka.

Luncus eh kecek pasal bendo gini ke? Tapi tak po sebab kawe tau ramai hok ado perasae gini tapi dok oyat ko sapo-sapo.Kae? kae? Dok payos susut la demo-demo sebab normal dah tuh.Namo lagi perempuan.Nie kawe nk wi contoh..Kalu jale jh sikit,pahtu jate semat pon laluh kok tepi.Gapo reaksi demo?Mesti demo kenlis kae? Pahtu dale hati terdetik,SEMAT OOO!!! Buke skali ke kito paling tapi banyok kali.Mace dok puas kelis gtuh.Tibo-tibo kawe teringat peristiwa nie.

Gini,ado sekali tuh kawe naek lrt ngan saem kawe 4 ore nie nok g mano tau.Pahtu,keno dok diri sebab tak dop seat.Supo biaso lah mato tuh meme tok dok diam.Bukenyo gapo,cekak nok dok statik.Pah,napok la sore nie.Dok diri baco surat khabar.Muko meme semat tapi mace style ego gtuh.Mato dio tu meme maen perane besar sebab menapokkan keegoan dio.Kawe kenlis jah tapi dok oyat ko saem kawe.Pah smeta tuh ado saem kawe cuit,"Tengok jate tuh,semat weh!".Oooh! Apo lagi.Tengok kali keduo."Meme semat pom wei".

Pah dok kenlis-kenlis.Kawe mace takut nok kenlis sebab mace dio perase ado ore kenlis.Tapi gak meme dok puah kenlis sungguh la oram kato.Lamo jugok la dio dok dale lrt tuh.Meme kawe sero dio tau 5 ore nie dok kenlis ko dio.Haha.Tak po sebab takkan jupo doh dio."Sori boh! Buke nk kenlis sangat pom ko awok.Saya kenlis sebab nok menghayati indahnya ciptaan ALLAH".Heee!!

Ok.Tuh buke main point pom.Sajo -sajo jah suko-suko di petam hari.Kalu dok gak dok nenngok tido.Baek nulis bendo goni.Bules menghiburkan hati.Haha.Nie main point dio.Kawe sero ke,tok saloh pom kalu kito minat ko ore.Ko gano CF ngan CH?Ko demo-demo sero saloh?Haha.

Minat tuh sekadar suko-suko.Wat hiburan gituh.Sebab kito tau mace dok molek sangat ke hubungan lelaki ngan perempuan tanpa ado gapo ikatan nie.Baek kito minat dari kejauhan jah.Dio tak tahu,kito mace tak dok la dosa lah mano.Haha.So,bules la kito minat ore.Sekadar suka-sukaan dalam hidup.Nok suh hidup meriah sikit.Hua9.


NOTA GIGI PAKAI BRACES: Takdiran ALLAH adalah yang terbaek.ALLAH cipto hok molek-molek blako dh ko kito.

Sedak ke kalu gapo hok kito nop kito bules kae? Kalu ore hok kito minat,minat kito balik! Haha.
OK! Berangae itu FREE.Tok payoh bayar.So,minat ore pom FREE.*Payoh wei set kupit.wakaka.