Found you!

Assalamualaikum w.b.t.

Hari nie sero mace rajin.Buke rajin tapi terlebih rajin.Sebelom tido nak crito so bendo.Tadi g make.Po skalo lah.G make kat 3rd.Pahtu ado sore saem kawe nie.Dio oyt gini "ado dh jersey malaysia kaler biru".

Kawe pom apo lagi.Lilah-lilah kelis oram.Sapo lah hok beli jersey tuh.Napok po minat bena.Setelah berpusing-pusing palo,kawe pom jupo lah tue dio.

"OMO! OMO! OMO!"

Ooh.Dio nie ruponyo.Meme kenal la tue dio tuh.Budok so kuliah ngan CH.Rajin ajok maen ragbi.Haha.Budok nie mace comey-comey la jugop tapi hok petim budok nie tough! I like! Kalu body 6 pack sedak ag.Meme dok lepas la wei.Haha.

Kawe pom mace tersipu-sipu malu la sakni.Buke malu gapo.Malu sebab ho lah.Jupo ore semat.Sebelom nie kalu jupo pom,meme dio senyum.Tapi nk oytnyo,time final exam kawe kat pasum mulo,dio nie lah dok tepi kawe.2 minggu exam time tuh.2 minggu tu jugok dio dok tepi kawe.Doh la mace keceks banyok.Dok pade ngan jate.Berat-berat.Tapi tu lah kenange terindah.

Tapi gak,dio mace dok rajin paling pom.Meme ore smat dok laye lah kito nie.Muko sorong-sorong,pipi tersembul-sembul sebab gemuk.Huhh! Tapi kawe dok caro pom.Ikut dio lah.Mugo kito set sedar diri.Pahtu,time nie kawe masuk degree dh.Tapi dio dok kat pasum lagi.Pahtu jupo la dio.Time nie kawe ngan ex bdk kelas dio time matrik.Duduk la kat mejo.Kawe dok make sero.Pahtu kecek-kecek.Tanyo lah.Dio pon tanyo kawe amek kos gapo.Kawe pom kecek kok kelate.Dio pom mace kejut kot mugo ore kapong dio.Haha."Tu lah..mulo time dok tepi dale exam dok tanyo".Kawe berkato-kato dale hati jh la wei.Dok berani nok oyt ko dio.haha

Pahtu,taun lepas kawe jupo plok.Time nie kawe jale sore nk kelik kolej.Tibo-tibo napok kat seberang jale so ag,seorang jejaka dok jale.Sore jugop.Wkaaka.Kawe pom kelis-kelis sebab beca so.Kawe pon napok.OOH!Dio nie ruponyo.Kawe pon wat tak tahu jh la.Cenkak nk oyt HAI! Malu kokram lah tino tegur jate dulu.OH TIDAK! prinsip hidup kawe tuh.Tok se tegur ore dulu.Biar ore tegur dulu.Kalu tino tak po.Haha.Beberapa saat tuh kawe bunyi ado ore oyt HAI!Kawe pom hai jugok la.haha. Sero po nk lopat sebab ado ore tegur kawe.Jale pon kiri kane-kiri kane sebab dok senyum.Dok sengko ore smat tegur.Wakaka.Nie lah nk oytnyo tino.Payoh wei la.Ore tegur pom suko.Dok kecek lagi padahal.haha.

Pas ado so ag,gini time tuh ado jamuan floor.Maen TRUE OR DARE.Pusing lah botol.Ado skali tuh keno ko kawe.Huhh! Gano lah bules keno nie.Pahtuh,tanyo nak true or dare.Kawe pon pilih TRUE.Pah ado lah ore tanyo soale.

"Nk nikoh umur brapo?Pah nak ore supo sapo?"

Kawe pom jawab.

"Kalu buleh nak nikoh umur 24.Supo ngan mok kawe.Pahtu nk ore lagu mano tuh........."

Mace lentis kawe dok mikir sbentar.Sebab dok tahu nak oyat sapo.Pening jugop mikir bendo gini beb.Haha.Tapi last-last skali kawe dok tahu nak oyt sapo,ore hok dok tepi kawe time exam tuh jadi mangsa.Kawe oyat dio sebab budok-budok floor dok tahu pom sapo.Haha.Gano lah bunless g oyat dio.Huhh!

Pah kejadian tuh ado ag jupo.Tegur la jugop kalu jupo tuh.Suko weh sero.haha.Pahtu nie nk crito hok sakni.Kwe dok kat mejo blake dio.Buke sengajo.Tapi meme ore ramai.Kawe pom dok sengko dio ado ctuh.Pah dok kenceks-kenceks ngan saem kawe.Po skalo mesti dh derah.Dok suko lagi.Dio pom paling.Auwww! Kawe pom nusut alek saem kawe.Buke gapo.Malu lah wei jupo ore semat nie.Dok tau nk wat reaksi gano so.Baek dok payoh tengok.Lamo ke tengok lamo-lamo jadi doso.Haha.Dalw 3 minit gtuh dio pom bangun.Nk g bayar.Lalu kok tepat kawe.Dio pom ketuk mejo!

HUWAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAA!!!


Dok leh nk oyt kokre.Debar pom ado.Lepas dio ketuk tuh,kawe pom oyt AIII!! Sebab tindakan refleksiologi gtuh.Capur ngan debar.HAHA.Tapi wat lolok kool.Wat lolok tak dok perasae.wakaka.Nk suko pom ado sbena.Pahtu time dio nk bayar tuh,kawe pom terpaling alek tepat dio.Huwaaa! Dio paling jugok.Huhh! ore apo eh.Malu molek sero.Mesti dio oyt nk cari dio lah tuh.Huwaaaaa!! Meme malu.Dok se dah jupo.Sebab tak tahu nk wat reaksi.Wakakaka.

Tapi gak mace tumbuh bungo jugok lah dale hati.Payoh nk jupo ore hok nk tegur kawe.Skalo gak tegur set-set comey jh.Dok kenlis pom ko kito.Tak po.Dok kisoh pom dok se kelis.Sebab kawe tau kawe sapo.Kawe mace tabik la skit-skit ko dio sebab tegur.Dok sombong lah oram kato.Haha.

Ok! Kawe nak koho-koho tolok dh nie.Nak g belayar ngan kenangan terindah.Nak lupokan hok semale.Mujor ado ore wi kenange ari nie kalu dok gak dok ingat bendo sedih-sedih.Haha.
Gud nite blako.Jange lupo amek air smaye sbelom tido.Assalamualaikum.

Nota gigi pakai braces:Baru tahu,sedak jugop nulis cerito-cerito gini.Nanti besar-besar pahni bunles la baco smula kronologi cerinto luncu nie.Haha.



Nih mace lagu tema gituh sebab kawe suko dengar lagu nie! Sedak! Supo make nasik oram kato.